Máttargríman

 

Markmið: Að tengjast sínum innri mætti í gegnum hugleiðslu og grímugerð.
 

Ertu tilbúin að tengjast kraftinum sem býr innra með þér og færa hann í efnið með því að búa til þína eigin grímu sem minnir þig á þinn eigin styrk? Þá er þetta námskeið fyrir þig!

 

Grímugerð er forn aðferð til að skapa og leika sér með ýmiss hlutverk í lífinu. Við notum oft ósýnilegar grímur til að fela okkur og tilfinningar okkar. En á þessu námskeiði erum við að gera styrkinn okkar og mátt sýnilegan.  Í raun verður ferlið helgiathöfn til að heiðra og tengjast styrk okkar sem getur birst í formi dýrs eða tákna, lita eða forma. Við treystum sköpunarferlinu og leyfum hugmyndunum að flæða.

 

Gerð verður gifsgríma af andliti okkar.

Farið verður í innra ferðalag með trommuleiðslu þar sem við endurheimtum máttarandlit okkar og færum það í efnið í sköpunarferli með litum, og öðru efni.

Við losum gömul höft og gamlar þreyttar grímur sem við kjósum að sleppa tökum á í athöfn og tengjumst okkar nýja mætti á áþreifanlegan hátt.

 

 

Allt efni er innifalið í námskeiði. Ekki er þörf á listrænni kunnáttu. 

 

Laugardagur frá 10-16

Sunnudagur frá 10-17

 

Verð 28.000,-

Máttargríman er helg aðferð til að birta umbreytingarkraft og mátt einstaklingsins og gera hann sýnilegan.